SAHAR

تہران یونیورسٹی کے شعبۂ سیاحتی انتظام یا ٹوریزم مینیجمنٹ کے طلبہ نے امریکہ میں ہونے والے ایجادات اور اختراعات کے مقابلے، اینوورس ۲۰۲۲ میں گولڈ میں میڈل حاصل کیا ہے۔

اینوورس ۲۰۲۲ میں ایران، امریکہ، جرمنی، جاپان، چین، جنوبی کوریا سمیت دنیا کے پچیس ممالک، ایک ہزار سے زائد ایجادات اور اختراعات کے ساتھ شریک تھے۔ 
ایرانی ٹیم کے پیش کردہ منصوبے کو جدت طرازی، کم خرچ ہونے، سماجی اور اقتصادی اثرات، مارکیٹنگ کے مواقع، اسمارٹ ٹوریزم اور ورچول ٹوریزم کے حوالے سے پہلے انعام کا حقدار قرار دیا گیا اور گولڈ میڈل سے نوازا گیا۔
ایران کی ٹیم اس سے پہلے ترکی، روس، پولینڈ اور ہندوستان میں ہونے والے سائنسی میلوں کی جانب سے بھی مختلف انعامات حاصل کر چکی ہے۔