SAHAR

امریکہ کی طرف سے یوکرین کو اسلحہ فراہمی کا سلسلہ جاری ہے اور آج صبح امریکی صدر نے اپنے خصوصی اختیارات کا استعمال کرتے ہوئے یوکرین کو ائیر ڈیفنس نظاموں کی فراہمی کے لئے مزید 275 ملین ڈالر کی امداد کا اعلان کیا ہے۔

سحرنیوز/دنیا: رویٹرز نیوز ایجنسی کی رپورٹ کے مطابق امریکہ نے یوکرین کو ائیرڈیفنس نظاموں کی فراہمی کے لئے 275 ملین ڈالر کے امدادی پیکج کا اعلان کیا ہے۔ اس فوجی امدادی پیکج میں ہموی فوجی گاڑیاں، بجلی والے جنریٹر اور ہیمارس سسٹم کے راکٹوں کی فراہمی شمال ہے۔

رویٹرز کی رپورٹ کے مطابق یوکرین کو یہ اسلحہ امریکی صدر نے اپنے خصوصی اختیارات کا استعمال کرتے ہوئے دیا ہے۔

یاد رہے کہ گزشتہ دنوں میں روس نے اعلان کیا تھا کہ اس نے یوکرین میں ہوائی حملوں کے درمیان ہیمارس نظام کے راکٹ ڈپو اور اس کی تین بیٹریوں کو تباہ کر دیا ہے۔