SAHAR

امریکی ریاست کیلی فورنیا میں فائرنگ سے دو افراد ہلاک ہو گئے ہیں۔

سحر نیوز/ دنیا: موصولہ رپورٹ کے مطابق امریکی ریاست کیلی فورنیا کے شہر سیکرا مینٹو میں فائرنگ کے نتیجے میں ایک مرد اور ایک خاتون اپنی جان سے ہاتھ دھو بیٹھے۔

عینی شاہدین نے فائرنگ کی آواز سننے کے بعد ایک سفید رنگ کے ٹرک کو تیزی کے ساتھ جائے وقوعہ سے جاتے ہوئے دیکھا۔

پولیس کا کہنا ہے کہ گذشتہ چند ہفتوں کے دوران اس علاقے میں فائرنگ کے گیارہ سے بارہ واقعات رونما ہوئے ہیں کہ جن میں کئی افراد ہلاک اور زخمی ہوئے ہیں۔

امریکی عوام کئی برسوں سے ملک میں ہتھیار خریدنے اور ساتھ لے کر چلنے کے قوانین میں تبدیلی کا مطالبہ کر رہے ہیں لیکن امریکہ میں اسلحے کی لابیاں اتنی طاقتور ہیں کہ کانگریس نے ابھی تک ہتھیار ساتھ رکھنے کے قوانین میں کوئی خاص تبدیلی نہیں کی ہے۔