SAHAR

روسی وزارت دفاع نے ایک بیان میں اعلان کیا ہے کہ یوکرین کی طرف سے ماسکو پر حملے کی غرض سے دو ڈرون طیاروں کو ماسکو کے نواح میں مار گرایا گیا ہے۔

سحرنیوز/دنیا: اسپتونیک نیوز کی رپورٹ کے مطابق روس کی وزارت دفاع نے یوکرین کے ماسکو پر ڈرون حملوں کی خبر دی ہے۔
رپورٹ کے مطابق ماسکو کے نواح میں دو ڈرون طیاروں کو فضائی دفاعی نظام نے مار گرایا ہے اور ابھی تک کسی جانی یا مالی نقصان کی خبر نہیں ہے۔
ماسکو کے مئیر سرگئی سوبانتین نے اپنے ٹیلیگرام اکاؤنٹ پر لکھا کہ فضائی دفاعی نظام نے ماسکو پر حملے کی غرض سے اڑتے دو ڈرون طیاروں کو مار گرایا ہے۔
یاد رہے کہ یہ یوکرین کی جانب سے ماسکو پر حملہ کرنے کی کوئی پہلی کوشش نہیں ہے، 6 اگست کو بھی ماسکو کے قریبی علاقے پودولسکی میں بھی ایک یوکرینی ڈرون طیارے کو مار گرایا گیا تھا۔