غزہ میں اسرائیل کو شکست ہوچکی ہے، اسرائیلی میڈیا کی رپورٹ
تقریبا چار مہینے گزرنے کے باوجود اسرائیلی فوج غزہ میں واقع سرنگوں کو تباہ نہیں کر سکی ہے۔
سحرنیوز/دنیا: روزنامہ ہاآرتص نے "غزہ کی زمین دوز سرنگیں" کے عنوان سے لکھا ہے کہ حماس کی سرنگوں کو ختم کرنے کے لئے اسرائیلی فوج کی کوششیں ناکامی سے دوچار ہوگئی ہیں۔ اس اسرائیلی اخبار نے لکھا ہے کہ اسرائیلی حکام اور فوجی دستوں کا کہنا ہے کہ غزہ میں کھو دی گئیں سرنگوں کا نیٹ ورک بہت وسیع اور تصور سے بالاتر ہے۔ ہاآرتص نے مزید لکھا ہے کہ اسرائیلی فوج کے اعلی کمانڈروں نے بھی حماس کے ٹنلوں کو تباہ کرنا ناممکن قرار دیتے ہوئے اس تک دستیابی کو بھی مشکل قرار دیا ہے۔
اس اسرائیلی اخبار نے لکھا ہے کہ اسرائیلی فوج نے ایسے عالم میں جنگ کو تین مہینہ گذرنے کے بعد غزہ میں اپنے فوجیوں کی تعداد کم کردی ہے کہ سینئر کمانڈروں اور حکام کے درمیان تضادات کھل کر سامنے آگئے ہيں اور ان میں سے اکثر حیران و پریشان ہيں۔
