SAHAR

غزہ سے صیہونی فوجیوں کی پسپائی کا سلسلہ جاری ہے۔

سحرنیوز/دنیا: ارنا کی رپورٹ کے مطابق صیہونی فوج نے اپنی گیارہویں بریگيڈ بھی غزہ سے باہر نکال لی ہے۔ صیہونی فوج نے اس سے قبل غاصب صیہونی فوج کے چھتیسویں ڈویژن کے گولانی بریگیڈ کے غزہ سے باہر نکلنے کی خبر دی تھی۔
صیہونی حکومت کے ریڈیو نے بھی رپورٹ دی ہے کہ اس وقت فوج کے صرف تین ڈویژن غزہ میں باقی رہ گئے ہيں جس میں ننانواں، ایک سو باسٹھواں اور اٹھانواں ڈویژن شامل ہے۔
غزہ سے صیہونی فوجیوں کی پسپائی کا سلسلہ ایسی حالت میں جاری ہے کہ تحریک حماس کے نمائندے اسامہ حمدان نے جمعرات کی رات بیروت میں کہا تھا کہ غاصبوں کا ملت فلسطین کو غزہ سے باہر نکالنے اور دربدر کرنے کا خواب کبھی پورا نہيں ہوگا، بلکہ غاصبوں کو وہیں واپس جانا ہوگا جہاں سے وہ آئے ہیں۔