آئرش ایم پی نے نتن یاہو اور ان کے ساتھیوں کو بد دعا کی+ ویڈیو
آئرلینڈ کے رکن پارلیمنٹ کا کہنا ہے کہ مجھے امید ہے کہ نتن یاہو اور ان کی فرعونی حکومت جہنم میں جلے گی۔
سحر نیوز/ دنیا: آئرش رکن پارلیمنٹ تھامس گولڈ نے غزہ میں اسرائیلی حکومت کے جرائم کی تصاویر اور ویڈیوز دیکھ کر سخت پریشان اور غم و غصے کا اظہار کرتے ہوئے کہا کہ مجھے امید ہے کہ نتن یاہو اور اس کی فرعون حکومت اور اس کے جرنیل جہنم میں جلیں گے۔
آئرش رکن پارلیمنٹ تھامس گولڈ نے ملکی پارلیمنٹ میں اپنی حالیہ تقریر میں غم و غصے اور جذبات کے ساتھ بلند آواز میں کہا کہ غزہ میں 15 ہزار بچوں کا قتل عام کیا گیا اور دنیا تماشا دیکھ رہی ہے۔
ان کی تقریر کا ویڈیو، جس میں وہ نتن یاہو اور اسرائیلی حکومت کے سیاسی اور عسکری حکام کی مذمت کر رہے ہیں، سوشل میڈیا پر وائرل ہو گیا ہے۔
تھامس گولڈ نے اس تقریر میں کہا: جب ہم وہاں (غزہ) سے آنے والی تصاویر اور ویڈیوز کو دیکھتے ہیں تو ہمیں ان عورتوں، مردوں اور بچوں کی چیخیں سنائی دیتی ہیں جنہیں اسرائیلی حکومت زندہ جلا رہی ہے جبکہ دنیا خاموش کھڑی دیکھ رہی ہے۔
انہوں نے اس حالت میں کہ جب جذبات اور غم و غصے سے ان کی آواز لرز رہی تھی، کہا کہ 15 ہزار بچوں کا قتل عام کیا گیا اور 35 ہزار مرد، خواتین اور بچے… یہ ناقابل یقین ہے، ایک نسل کشی ہوئی ہے، بچوں کے جسموں پر سر نہیں ہیں اور اسرائیلی حکومت کا کہنا ہے کہ یہ غلط تھا، مجھے امید ہے کہ نتن یاہو جہنم میں جلیں گے اور بچوں اور ان کے اہل خانہ کو جلانے کی سزا ملے گی۔
اس آئرش ایم پی نے کہا: کاش نتن یاہو، ان کے جرنیل اور ان کی فرعونی حکومت جہنم میں جلیں اور خدا انہیں وہ سزا دے جس کے وہ مستحق ہیں، کیونکہ اب جو کچھ ہو رہا ہے وہ صرف نسل پرستی نہیں ہے، وہ جو کر رہے ہیں وہ چونکا دینے والا ہے۔
انہوں نے اسرائیلیوں کو مخاطب کرتے ہوئے کہا کہ اے اسرائیل کے لوگو کہاں ہے تمہارا ضمیر، کہاں ہے تمہارا ضمیر؟ آپ اپنی حکومت کو بچوں کے ساتھ یہ کام کرنے کی اجازت دیتے ہیں، آپ کی انسانیت کہاں گئی؟
تھامس گولڈ نے کہا: اب آئرلینڈ کے لوگ کہہ رہے ہیں کہ ہم نے فلسطین کو تسلیم کر لیا ہے، ہم نے انہیں ہر انسان طرح انسان تسلیم کر لیا ہے، شرم ہے تم پر اسرائیل، شرم آتی ہے تم پر ایسے اقدامات پر جنہیں کبھی فراموش نہیں جا سکتا۔
28 مئی کو آئرلینڈ کی حکومت نے ایک بیان جاری کیا جس میں اعلان کیا گیا کہ وہ سرکاری طور پر ریاست فلسطین کو تسلیم کرتی ہے اور اس ملک کے ساتھ مکمل سفارتی تعلقات قائم کرتی ہے۔
