یورپی یونین کے شعبہ خارجہ پالیسی کے سربراہ نے لبنان پر صیہونی حکومت کے وحشیانہ حملوں پر گہری تشویش کا اظہار کرتے ہوئے اسے غیر معمولی قرار دیا ہے۔

سحر نیوز/ دنیا: یورپی یونین کے شعبہ خارجہ پالیسی کے سربراہ جوزف بورل نے مغربی ایشیا میں مسلسل بڑھتی کشیدگی پر اظہار تشویش اور فوری طور پر جنگ بندی کی ضرورت پر زور دیتے ہوئے خبردار کیا ہے کہ لبنان پر اسرائیل کے جاری حملے غیر معمولی شمار ہوتے ہیں۔

ارنا کی رپورٹ کے مطابق یورپی یونین کے شعبہ خارجہ پالیسی کے سربراہ جوزف بورل نے یورپی پارلیمنٹ سے اپنے خطاب میں کہا ہے کہ اسرائیل لبنان پر شدید بمباری کر رہا ہے اور حملوں میں شدت غیر معمولی ہے اور اعداد و شمار کے مطابق لبنان کی بیس فیصد آبادی بے گھر اور دربدر ہو چکی ہے۔