SAHAR

چین کی وزارت خارجہ کی ترجمان نے کہا کہ بیجنگ اس بات کا قائل ہے کہ ایران کے ایٹمی معاملے کو پابندیوں اور دھمکیوں سے حل کرنا ناممکن ہے۔

سحرنیوز/دنیا:  چین کی وزارت خارجہ کی ترجمان ما‏ئو ننگ نے اپنی ہفتہ وار پریس بریفنگ میں ایران، روس اور چین کے نائب وزرائے خارجہ کی نشست کی تفصیلات بتاتے ہوئے کہا کہ تینوں ممالک کے نمائندوں نے ایران کے ایٹمی پروگرام کے بارے تفصیل سے گفتگو کی اور زور دے کر کہا کہ اس موضوع کو سیاسی اور سفارتی راستوں سے ہی حل کیا جاسکتا ہے۔ چین کی وزارت خارجہ کی ترجمان ما‏ئو ننگ نے بتایا کہ ایران، روس اور چین کے نائب وزرائے خارجہ نے مغربی فریقوں کو پابندیوں، سیاسی دباؤ، فوجی دھمکیوں اور ہر اس اقدام سے دور رہنے کی تجویز دی جس سے کشیدگی میں اضافہ ہوسکتا ہے۔