ایران کے خلاف پابندیوں کو لوٹانا، انتہائی غیرتعمیری ہے: چین
Aug ۲۹, ۲۰۲۵ ۲۰:۰۹ Asia/Tehran
چین کی وزارت خارجہ کے ترجمان گوئو جیاکون نے یورپی ٹرائیکا کی جانب سے اسنیپ بیک مکینزم کو فعال کرنے کے اعلان پر ردعمل ظاہر کرتے ہوئے اسے انتہائی غیرتعمیری قرار دیا ہے۔
سحرنیوز/دنیا: چین کی وزارت خارجہ کے ترجمان نے اپنی ہفتہ وار پریس بریفنگ کے دوران کہا کہ سلامتی کونسل میں ایران کی پابندیوں کو بحال کرنے سے نہ صرف مسائل حل نہیں ہوں گے بلکہ سیاسی اور سفارتی گفتگو کا طریقہ کار اور بھی کمزور پڑ جائے گا۔
گوئو جیاکون نے کہا کہ اس وقت ایران کا ایٹمی معاملہ ایک انتہائی حساس مرحلے میں داخل ہوچکا ہے اور کوشش اس بات کی ہونی چاہیے کہ مذاکرات کے سلسلے کو بحال کیا جائے نہ کہ مقابلہ آرائی یا کشیدگی میں اضافے ہو۔
انہوں نے کہا کہ چین امن اور گفتگو کا خواہاں ہے اور ایران کے ایٹمی معاملے کو سفارتی چینل میں واپس لانے کے لیے اپنا کردار ادا کرے گا۔
