ایران کے خلاف کارروائی نہ کرنے کے بارے میں ٹرمپ کی وضاحت

Jan ۱۷, ۲۰۲۶ ۱۱:۴۴ Asia/Tehran

امریکی صدر ڈونلڈ ٹرمپ نے ایران کے خلاف کارروائی کرنے کی بارہا دوہرائی گئیں اپنی دھمکیوں پر عمل نہ کرنے کی وضاحت کی ہے۔

سحرنیوز/دنیا: نیویارک سے ارنا کی رپورٹ کے مطابق امریکی صدر ڈونلڈ ٹرمپ نے اسلامی جمہوریہ ایران کے خلاف کئی بار دہرائی گئیں اپنی دھمکیوں پر عمل نہ کرنے کے بارے میں کہا ہے کہ "میں نے خود ہی اپنے آپ کو کارروائی نہ کرنے کا قائل کر لیا ہے۔"

ڈونلڈ ٹرمپ نے فلوریڈا جانے سے پہلے وائٹ ہاؤس میں نامہ نگاروں سے گفتگو کے دوران اس سوال کے جواب میں کہ "کیا مشرق وسطی کے امریکی اتحادیوں نے ممکنہ کارروائی نہ کرنے کے لئے ان کو قائل کر لیا ہے؟ مذکورہ بات کہی۔ انہوں نے کہا کہ "مجھے کسی نے قائل نہیں کیا ہے، میں نے خود اپنے آپ کو قائل کیا ہے۔"

ڈونلڈ ٹرمپ نے دعویٰ کیا کہ "انہوں نے کسی کو پھانسی نہیں دی ہے۔ انہوں نے تمام پھانسیوں کو منسوخ کر دیا ہے۔ یہ ایک بڑا تاثر ہے۔"

ہمیں فالو کریں:

واضح رہے کہ اس سے پہلے ڈونلڈ ٹرمپ نے سماجی رابطے کے اپنے پلیٹ فارم "ٹروتھ" پر لکھا تھا کہ "میں اس حقیقت کا کہ، تمام مجوزہ پھانسیوں کو ایرانی حکام نے منسوخ کردیا ہے، احترام کرتا ہوں۔ شکریہ ادا کرتا ہوں۔"