پاک و ہند کے مابین لائن آف کنٹرول پرفائرنگ
Dec ۳۱, ۲۰۲۰ ۱۰:۳۳ Asia/Tehran
کپوارہ میں ایل او سی پر گولہ باری کے نتیجے میں ایک فوجی جاں بحق اور 6 افراد زخمی ہوئے۔
ہندوستان کے سرکاری ذرائع نے دعوی کیا ہے کہ ضلع کپوارہ میں لائن آف کنٹرول کے ٹنگڈار اور کرناہ سیکٹروں میں بدھ کی شب ہندوستان اور پاکستان کی فوج کے درمیان گولہ باری کا تبادلہ ہوا جس کے نتیجے میں کم ازکم 5 افراد زخمی جبکہ کئی مکانوں کو نقصان پہنچا۔
در ایں اثناء پاکستان نے دعوی کیا ہے کہ ہندوستانی فورسز نے لائن آف کنٹرول کے کھوئی رٹی سیکٹر میں فائرنگ کی جس کے نتیجے میں ایک فوجی جاں بحق اور ایک شہری زخمی ہو گیا۔
واضح رہے کہ پاکستان اور ہندوستان ایک دوسرے پرلائن آف کنٹرول میں جنگ بندی معاہدے کی خلاف ورزی کرنے کے الزامات عائد کرتے رہتے ہیں۔
