SAHAR

ہندوستان کے زیرانتظام کشمیر میں سیکورٹی فورسز اور عسکریت پسنددوں کے مابین ہونے والی فائرنگ سے 2 فوجی اہلکار اور 6 عسکریت پسند جاں بحق ہو گئے۔

سحر نیوز/ ہندوستان: ہندوستان کے زیرانتظام جموں و کشمیر کے بارہمولہ میں ہفتہ کی صبح فوج کے اہلکاروں کی فائرنگ کے بعد تین عسکریت پسند جاں بحق ہو گئے۔ اس سے پہلے جمعہ کی صبح جموں و کشمیر کے کٹھوعہ میں سیکورٹی فورسز اور عسکریت پسندوں کے درمیان انکاونٹر ہوا تھا۔

کٹھوعہ کے علاقے کھنڈارا میں ہندوستانی فوج نے آپریشن کے دوران تین عسکریت پسندوں کو مار گرایا تھا ۔ اس کے بعد سہ پہر ساڑھے تین بجے فوج کے اہلکاروں نے کشتواڑ میں ایک اور آپریشن شروع کیا اور فائرنگ کا تبادلہ ہوا جس میں ہندوستانی فوج کے دو اہلکار ہلاک ہو گئے تھے۔ دو دیگر فوجیوں کو بھی گولیاں لگیں اور ان کا علاج چل رہا ہے۔