SAHAR

ہندوستان کے وزیراعظم نے ملکی سیکورٹی فورسز کی کارکردگی کو سراہتے ہوئے کہا ہے کہ آپریشن سندور مکمل نہیں ہوا اور موجودہ جنگ بندی عارضی وقفہ ہے۔

سحرنیوز/ہندوستان:  ہندوستانی میڈیا کے مطابق نریندر مودی نے قوم سے خطاب میں واضح کیا ہے کہ ہندوستان پاکستان کی ایٹمی دھمکیوں یا دباؤ کے آگے ہرگز نہیں جھکے گا۔ انہوں نے کہا کہ آپریشن سندور ابھی مکمل نہیں ہوا اور موجودہ جنگ بندی صرف ایک عارضی وقفہ ہے۔ پاکستان کے آئندہ چند دنوں میں ہونے والے اقدامات کا بغور جائزہ لیا جائے گا اور مستقبل کی کارروائیوں کا انحصار ان ہی حرکات پر ہوگا۔

انہوں نے ہندوستانی بری، بحری اور فضائی افواج کے ساتھ ساتھ بارڈر سیکیورٹی فورس کی کارکردگی کو سراہتے ہوئے کہا کہ پاکستان کے جوابی حملوں کے دوران ملک کا بھرپور دفاع کیا گیا۔  نریندر مودی نے کہا کہ تمام افواج اب بھی مکمل الرٹ ہیں۔ ہندوستانی فوج نے دنیا کو یہ پیغام دے دیا ہے کہ وہ ہر چیلنج کے لیے تیار ہے۔