امریکہ کے بعد اب ایک اور ملک نے ہندوستان پر 50 فی صد ٹیرف لگا دیا
امریکہ کے بعد اب میکسیکو نے بھی ہندوستان پر 50 فی صد ٹیرف عائد کردیا ہے۔
سحرنیوز/ہندوستان: میدیا رپورٹوں کے مطابق میکسیکو کی سینیٹ نے ایک بڑا تجارتی ترمیمی بِل پاس کیا ہے جس کے تحت چین، ہندوستان، جنوبی کوریا، تھائی لینڈ اور انڈونیشیا جیسے ممالک سے آنے والی تقریباً 1,400 مصنوعات پر 50 فی صد تک ٹیریف عائد کیا جائے گا۔ اطلاعات کے مطابق یہ بِل 2026 سے نافذ ہوگا۔
میکسیکو نے جن مصنوعات پر ٹیریف عائد کیا ہے ان میں آٹوموبائل، آٹو پارٹس، کپڑے، جوتے چپل، پلاسٹک مصنوعات، اسٹیل، ایلومینیم، شیشہ، فرنیچر اور کھلونے شامل ہیں۔
ان میں سے کئی ایسی اشیاء ہیں جن کی سپلائی چین ایشیا پر منحصر ہے۔ جن ممالک کا میکسیکو کے ساتھ فری ٹریڈ ایگریمنٹ (ایف ٹی اے) نہیں ہے، ان کے لیے نیا ٹیریف تجارت میں مزید مشکلات پیدا کر دے گا اور تجارت مزید مہنگی بھی ہوجائے گی۔
ماہرین کا کہنا ہے کہ اس سے میکسیکو کی مقامی فیکٹریوں کو فائدہ پہنچے گا، لیکن امپورٹڈ پارٹس مہنگے ہونے سے مہنگائی کا دباؤ بھی بڑھ سکتا ہے۔ مقامی کاروباری گروپس پہلے ہی اس قدم پر ناراضگی ظاہر کر چکے ہیں۔
اطلاعات کے مطابق ٹرمپ انتظامیہ مسلسل میکسیکو پر چین سے فاصلے بنانے کا دباؤ ڈال رہی ہے اور میکسیکو کو چین کے لیے "بیک ڈور انٹری پوائنٹ" قرار دیتی رہی ہے۔ اس پس منظر میں یہ قدم، ماہرین کے نزدیک، صرف تجارتی پالیسی نہیں بِلکہ جیو پولیٹیکل حکمت عملی کا حصہ بھی سمجھا جا رہا ہے۔
میکسیکو کی پارلیمنٹ میں اس بِل میں تزی سے پیش رفت ہوئی، 10 دسمبر کو ایوان زیریں میں بِل پاس ہوا اور 10 دسمبر کو ہی سینیٹ نے بھی بِل کو منظوری دے دی۔
میکسیکو کی صدر کلاؤڈیا شین باؤم پارڈو نے ستمبر 2025 میں اس بِل کی تجویز پیش کی تھی اور اب اس پر دستخط ہونے کی رسمی کارروائی باقی ہے۔
ہمیں فالو کریں:
Followus: Facebook, X, instagram, tiktok whatsapp channel
