SAHAR

صدر ایران سید ابراہیم رئیسی بدھ کو ترکمنستان سمٹ کے موقع پر اپنے روسی ہم منصب ولادیمیر پوتین سے ملاقات کریں گے۔

تہران میں ایوان صدر سے جاری ہونے والے بیان میں کہا گیا ہے کہ ترکمنستان سمٹ کے موقع پر صدر ابراہیم رئیسی اور صدر ولادیمیر پوتین کی ملاقات کا پروگرام ہے۔
صدر ایران اپنے ترکمن ہم منصب سردار بردی محمد اوف کی دعوت پر، کیسپین سی کے ساحلی ملکوں کی تنظیم کے سربراہی اجلاس میں شرکت کے لیے بدھ کو عشق آباد جائیں گے۔
ایران کا ایک اعلی سطحی سیاسی اور اقتصادی وفد بھی صدر کے ہمراہ ترکمنستان جائے گا۔
سید ابراہیم رئیسی عشق آباد میں اپنے قیام کے دوران کیسپین سی کے ساحلی ملکوں کی تنظیم کے اجلاس سے خطاب کے علاوہ، دیگر رکن ملکوں کے سربراہوں اور اعلی سطحی وفود سے بھی ملاقات کریں گے۔