ایران عراق دوستی، عید غدیر کے موقع پر 50 ہزار ایرانی زائرین کیلئے ویزا فری
Jul ۱۷, ۲۰۲۲ ۰۹:۵۳ Asia/Tehran
ایران کی وزارت داخلہ کے سیکیورٹی امور کے معاون نے کہا ہے کہ 50 ہزار ایرانی زائرین عراق میں زیارات مقدسہ کیلئے جائیں گے تاہم ان کا ویزا فری ہو گا۔
ایران کی وزارت داخلہ کے سیکیورٹی امور کے معاون سید مجید میراحمدی نے ارنا سے گفتگو کرتے ہوئے کہا کہ عراق کی وزارت داخلہ کے ساتھ ہونے والے معاہدے کی رو سے ایران کے 50 ہزار زائرین عید غدیر کے موقع پر سرحدی گذر گاہوں سے عراق میں زیارات مقدسہ بالخصوص نجف کیلئے جا سکیں گے اور ان کا ویزا مفت ہو گا۔
انہوں نے کہا کہ محرم اور صفر کے مہینوں میں ایرانی زائرین کی تعداد بہت زیادہ ہو گی۔
واضح رہے کہ 18 ذی الحجه 1443 ہجری قمری مطابق 18 جولائی 2022 بروز پیر عید غدیر ہے ۔
