ایران کے نگراں وزیر خارجہ نے نیویارک میں رکھا قدم، فلسطین کے مظلوموں کی اٹھے گی آواز
اسلامی جمہوریہ ایران کے نگراں وزیر خارجہ علی باقری کنی اب سے تھوڑی دیر قبل نیویارک کے جان ایف کنیڈی ایئرپورٹ پہنچ گئے۔
سحرنیوز/ایران: ارنا کے مطابق اسلامی جمہوریہ ایران کے نگراں وزیر خارجہ علی باقری کنی پیرکو فلسطین کے بارے میں سلامتی کونسل کے اجلاس میں شرکت کے لئے نیویارک پہنچ گئے۔
اس رپورٹ کے مطابق اسلامی جمہوریہ ایران کے نگراں وزیر خارجہ علی باقری کنی، فلسطین کے بارے میں سلامتی کونسل کے خصوصی اجلاس میں شرکت کے علاوہ، کثیر جہتی رجحان کے موضوع پر ہونے والے اجلاس میں بھی شرکت کریں گے۔
نیویارک پہنچنے پر اقوام متحدہ میں اسلامی جمہوریہ ایران کے مستقل مندوب اور سفیر امیر سعید ایروانی نے نگراں وزیر خارجہ علی باقری کنی اور ان کے ہمراہ نیویارک جانے والے وفد کا استقبال کیا۔
سلامتی کونسل کے دونوں اجلاس روس کے وزیر خارجہ سرگئ لاؤروف کی صدارت میں ہوں گے ۔
قابل ذکر ہے کہ اس وقت روس سلامتی کونسل کا چيئر مین ہے۔
