SAHAR

ایران کی وزارت خارجہ کے ترجمان اسماعیل بقائی نے اپنے ایکس پیغام میں عمان کی میزبانی کی قدردانی کی ہے۔

سحرنیوز/ایران: ایران کی وزارت خارجہ کے ترجمان اسماعیل بقائی نے اپنے ایکس پیج پر ایران اور امریکہ کے بالواسطہ مذاکرات کے پہلے دور میں عمان کی میزبانی کی قدردانی کی۔ انہوں نے لکھا کہ مذاکرات کی میزبانی اور ثالثی کے لیے عمان اور اس ملک کے وزیر خارجہ بدر بن حمد البوسعیدی کا شکریہ ادا کرتے ہیں۔
اسماعیل بقائی نے لکھا کہ ایران اور امریکہ کے نمائندوں کی جانب سے بالواسطہ مذاکرات کو آئندہ ہفتے جاری رکھنے کے فیصلے کے پیش نظر عمان یہ اہم کاوش جاری رکھے گا۔
قابل ذکر ہے کہ ایران اور امریکہ کے بالواسطہ مذاکرات کا پہلا دور ہفتے کی شام کو عمان کے دارالحکومت مسقط میں منعقد ہوا۔