SAHAR

آئی اے ای اے کے سربراہ رافائل گروسی ایران کے اعلی عہدے داروں سے ملاقات کے لیے بدھ کی شام تہران پہنچے۔

سحرنیوز/ایران: تہران ایئرپورٹ پر ایران کے ایٹمی توانائی کے ادارے کے ترجمان نے آئی اے ای اے کے سربراہ رافائل گروسی کا استقبال کیا۔ اس کے بعد گروسی وزارت خارجہ پہنچے جہاں ان کی پہلی ملاقات وزیر خارجہ سید عباس عراقچی سے ہوئی۔ قابل ذکر ہے کہ صدر پزشکیان کی صدارت کے بعد، یہ آئی اے ای اے کے سربراہ کا دوسرا دورہ تہران ہے۔

تہران پہنچنے سے قبل فرانسیسی جریدے کو انٹرویو دیتے ہوئے گروسی نے کہا تھا کہ ہم ایرانی وزیر خارجہ عراقچی اور امریکی صدر کے خصوصی ایلچی کے دوطرفہ مذاکرات کا حصہ نہیں ہیں، لیکن اسے نظرانداز بھی نہیں کرسکتے۔
رافائل گروسی نے دعوی کیا ہے کہ ایران اور امریکہ کے مابین جو بھی طے ہو، اس کی تائید آئی اے ای اے کو ہی کرنی ہوگی۔