وینزویلا بحران: وینزویلا کے وزیرِ خارجہ نے ایرانی موقف کا شکریہ ادا کیا

Jan ۰۶, ۲۰۲۶ ۱۳:۲۶ Asia/Tehran

وینزویلا کے وزیرِ خارجہ نے ایک پیغام ارسال کرکے امریکہ کی جارحیت کی مذمت میں ایران کے ٹھوس موقف کا شکریہ ادا کیا ہے۔

سحرنیوز/ایران: ارنا کی رپورٹ کے مطابق وینزویلا کے وزیرِ خارجہ ایوان گل نے اپنے پیغام کے ساتھ ایرانی وزارتِ خارجہ کے ترجمان اسماعیل بقائی کی پیر کے روز کی پریس کانفرنس کے وہ حصے نشر کئے ہیں جن میں وینزویلا پر امریکی جارحیت اور صدر نکولس مادورو اور ان کی اہلیہ کے اغوا کی مذمت کی گئی ہے۔

وینزویلا کے وزیرِ خارجہ نے اپنے اس پیغام میں امریکی جارحیت کی مذمت میں ایران کے موقف کو قابلِ قدر قرار دیا ہے اور اس کا شکریہ بھی ادا کیا ہے۔

ہمیں فالو کریں:

انھوں نے اپنے پیغام میں لکھا ہے کہ ایران کے دفترِ خارجہ کے ترجمان اسماعیل بقائی نے اپنی پریس کانفرنس میں صحیح کہا ہے کہ امریکہ کا یہ اقدام ایک غیر قانونی اور اغوا ہے جس نے پورے دنیا کے عوام کی امن و سلامتی اور اقتدارِ اعلیٰ کو خطرے میں ڈال دیا ہے۔