SAHAR

غزہ پر اسرائیل کے تازہ حملوں میں کم از کم 22 فلسطینی زخمی ہو گئے۔

سحر نیوز/ عالم اسلام: فلسطینی وزارت صحت نے کہا کہ مشرقی غزہ میں صیہونی فوجیوں کے حملوں میں متعدد فلسطینی زخمی ہوئے۔

فلسطین کی وزارت صحت نے اعلان کیا ہے کہ جمعہ کے روز مشرقی غزہ پر اسرائیلی فوج کے حملے میں 22 فلسطینی زخمی ہوئے۔

اس حملے میں صیہونی فوجیوں نے مشرقی غزہ میں نسل پرستانہ دیوار کے قریب جمع ہونے والے فلسطینیوں پر گیس بموں اور آنسو گیس سے حملہ کیا۔

اس حملے میں ایک فلسطینی بچہ بھی پیر میں گولی لگنے کی وجہ سے زخمی ہوگیا اور اسے فوری طور پر اسپتال میں داخل کرایا گیا۔

غزہ کے محاصرے اور فلسطینی عوام اور مقدس مقامات کے خلاف صیہونی حکومت کے جرائم کے خلاف فلسطینیوں کا یہ پرامن مظاہرہ مسلسل ساتویں ہفتے بھی جاری ہے۔