الشفا ہسپتال، ڈیتھ زون میں تبدیل ہو گیا
اقوام متحدہ کا کہنا ہے کہ غزہ میں الشفا ہسپتال ایک ڈیتھ زون ہے۔
سحر نیوز/ عالم اسلام: ورلڈ ہیلتھ آرگنائزیشن نے اتوار کے روز کہا کہ انسانی بنیادوں پر تشخیص کرنے والے ایک پینل نے جس نے شمالی غزہ پٹی میں الشفا ہسپتال کا دورہ کیا، ہسپتال کو ڈیتھ زون قرار دیا۔
ورلڈ ہیلتھ آرگنائزیشن نے اتوار کو کہا کہ انسانی ہمدردی کی تشخیص کرنے والی ٹیم نے شمالی غزہ پٹی میں الشفا ہسپتال کا دورہ کیا اور اس میں گولہ باری اور فائرنگ کے نشانات پائے جس کو اس نے ڈیتھ زون کے طور پر بیان کیا۔
عالمی ادارہ صحت کے ایک بیان کے مطابق اقوام متحدہ کی زیرقیادت ٹیم، جس میں صحت عامہ کے ماہرین، لاجسٹک افسران اور اقوام متحدہ کے مختلف محکموں کے سیکیورٹی عملہ شامل ہے، سیکیورٹی خدشات کی وجہ سے ہفتے کے روز اسپتال میں صرف ایک گھنٹہ گزار سکی۔
ٹیم نے ہسپتال کی حالت کو مایوس کن قرار دیتے ہوئے مزید کہا کہ صاف پانی، ایندھن، ادویات اور دیگر ضروری اشیاء کی کمی کی وجہ سے ہسپتال بنیادی طور پر بطور طبی کام کے قابل نہیں ہے۔
عالمی ادارہ صحت کے بیان میں یہ بھی کہا گیا کہ ٹیم نے اسپتال کے داخلی دروازے پر ایک اجتماعی قبر دیکھی اور انہیں بتایا گیا کہ وہاں 80 سے زائد افراد دفن ہیں۔
