الشفا ہسپتال کے سربراہ اب بھی لا پتہ ہیں
Nov ۲۵, ۲۰۲۳ ۰۹:۲۱ Asia/Tehran
عالمی ادارہ صحت نے الشفا ہسپتال کے سربراہ کی گرفتاری کے بعد ان کے بدستور لاپتہ رہنے کی اطلاع دی ہے۔
سحر نیوز/ عالم اسلام: عالمی ادارہ صحت نے غزہ کے الشفا ہسپتال کے سربراہ کی اسرائیلی فورسز کے ہاتھوں گرفتاری کے بعد ان کی زندگی کے بارے میں تشویش کا اظہار کیا ہے۔
اقوام متحدہ کے اس ادارے نے کہا کہ مذکورہ ڈاکٹر کو بدھ کے روز اس وقت گرفتار کیا گیا جب وہ صحت کے شعبے میں سرگرم 5 دیگر افراد کے ساتھ مریضوں کو نکالنے میں اقوام متحدہ کی مدد کر رہے تھے۔
عالمی ادارہ صحت کے بیان کے مطابق بدھ کو اسرائیل نے فلسطینی ہلال احمر کے تین ارکان اور غزہ کی وزارت صحت کے تین ارکان کو گرفتار کر لیا۔
اسرائیل نے ان چھ میں سے دو افراد کو رہا کر دیا۔ عالمی ادارہ صحت نے کہا کہ الشفا ہسپتال کے سربراہ سمیت 4 دیگر افراد کے بارے میں کوئی اطلاع نہیں ہے۔
