SAHAR

غاصب اسرائیلی فوج نے گزشتہ 24 گھنٹے میں فلسطینی مجاہدین کے ساتھ لڑائي میں اپنے 13 فوجیوں کے ہلاک ہونے کی تصدیق کردی ہے۔

سحرنیوز/ عالم اسلام: خبر رساں ایجنسی فارس کی رپورٹ کے مطابق غاصب اسرائیل کی فوج نے اعتراف کیا کہ اس کے 5 فوجی گزشتہ روز غزہ کی لڑائی کے دوران مارے گئے ہیں۔ اس رپورٹ کے مطابق غاصب صیہونی فوج نے آج بھی اپنے 8 فوجیوں کی ہلاکت کی تصدیق کی ہے۔

خبر رساں ایجنسی فارس کی رپورٹ میں مزید آیا ہے کہ غاصب اسرائیل کے دس فوجی زخمی بھی ہوئے ہیں جن میں 6 کی حالت نازک ہے۔

اسی کے ساتھ اسرائیلی فوج نے کہا ہے کہ غزہ میں زمینی جنگ چھڑنے کے بعد سے اب تک اس کے 152 فوجی ہلاک ہوچکے ہیں جبکہ طوفان الاقصیٰ آپریشن شروع ہونے کے بعد سے اب تک ہلاک ہونے والے صیہونی فوجیوں کی تعداد 485 تک پہنچ گئی ہے۔