SAHAR

یمن پر امریکہ کے حالیہ حملوں کے ردعمل میں یمن کی سپریم پولیٹیکل کونسل کے رکن محمد الحوثی نے کہا کہ یمنی قوم امریکی حملوں، جارحیت اور دہشت گردی سے خوفزدہ نہیں ہے۔

سحر نیوز/ عالم اسلام:  یمن کی سپریم پولیٹیکل کونسل کے رکن محمد الحوثی نے کہا کہ یمنی قوم امریکی حملوں، جارحیت، غنڈہ گردی اور دہشت گردی سے خوف زدہ نہیں اور ہم خدا کے سوا کسی سے نہیں ڈرتے۔ انہوں نے فلسطینیوں سے کہا کہ ہم ہمیشہ آپ کے ساتھ ہیں اور آپ کو کبھی نہیں چھوڑیں گے۔ محمد الحوثی نے امریکی صدر ڈونلڈ ٹرمپ کو مخاطب کر کے کہا کہ تم کبھی بھی ہم کو نہیں ڈرا سکتے۔ انہوں نے کہا کہ چاہے تم کو اپنی طاقت پر کتنا ہی گھمنڈ کیوں نہ ہو، ہم کسی کے سامنے گھٹنے نہیں ٹیکیں گے، ہم کبھی خوفزدہ نہیں ہوں گے اور نہ کبھی پیچھے ہٹیں گے۔