SAHAR

لبنانی پارلیمنٹ کے اسپیکر نبیہ بری نے ملک پر اسرائیلی رژیم کے حملوں کی مذمت کرتے ہوئے تل ابیب کے ساتھ تعلقات قائم کرنے کو غداری قرار دیا۔

سحر نیوز/ عالم اسلام: لبنانی پارلیمنٹ کے اسپیکر نبیہ بری نے کہا کہ صیہونی حکومت اپنے حملوں سے یہ ظاہر کرنے کی کوشش کر رہی ہے کہ وہ لبنان کو تعلقات معمول پر لانے پر مجبور کرنے کی صلاحیت رکھتی ہے۔لیکن ایسا کبھی نہیں ہوگا کیونکہ اسرائیل کے ساتھ تعلقات کو معمول پر لانا غداری ہے۔

لبنانی پارلیمنٹ کے اسپیکر نے واضح کیا کہ ہم جنگ بندی معاہدے کے پابند ہیں اور لبنان صیہونی حکومت کی اشتعال انگیزیوں کا شکار نہیں ہوگا۔ انہوں نے زور دے کر کہا کہ اس مرحلے پر ہمارا ہتھیار صبر ہے اور ہم صبر کے ساتھ ان کا مقابلہ کریں گے۔