SAHAR

پاکستان کے دورے پر پہنچنے والے امریکی وفد کی قیادت قائم مقام انڈر سیکریٹری برائے سیاسی امور جان باس کر رہے ہيں۔

سحر نیوز/ پاکستان: پاکستان کی وزارت خارجہ نے ایک بیان میں کہا ہے کہ پاکستان کے قائم مقام سیکریٹری خارجہ رحیم حیات قریشی کی امریکی وفد سے ملاقات میں باہمی تعلقات کے تمام پہلؤوں پر تعمیری گفتگو انجام پائی ہے۔

دریں اثنا پاکستانی میڈیا نے سفارتی ذرائع کے حوالے سے رپورٹ دی ہے کہ ملک میں نئی حکومت کی تشکیل کے بعد یہ کسی امریکی وفد کا پہلا دورہ پاکستان شمار ہوتا ہے۔

اسلام آباد میں امریکی حکام کی موجودگی اور ان کے دورے ایسے عالم میں انجام پا رہے ہيں کہ واشنگٹن ، پاکستان کے ساتھ اس کے پڑوسی ممالک بالخصوص ایران سے تعلقات کے فروغ کی راہ میں مسلسل رکاوٹیں ڈالنے کی کوشش کررہا ہے۔