پاکستان کے وزیر وزیر قطر کے دورے پر
پاکستان کے وزیر اعظم شہباز شریف ایک روزہ دورے پر قطر روانہ ہوئے ہیں۔
سحرنیوز/پاکستان: پاکستانی میڈیا نے شہباز شریف کے اس دورے کو ہنگامی قرار دیتے ہوئے کہا ہے کہ یہ دورہ قطر پر اسرائیلی جارحیت کے تناظر میں اظہار یکجہتی کے لیے انجام پارہا ہے۔
رپورٹ کے مطابق اس دورے میں پاکستان کے نائب وزیر اعظم و وزیر خارجہ محمد اسحاق ڈار، وزیر دفاع خواجہ محمد آصف، وزیر اطلاعات و نشریات عطاء اللّٰہ تارڑ اور معاون خصوصی طارق فاطمی بھی وزیرِ اعظم کے ہمراہ ہیں۔
وزیر اعظم کی دوحہ میں قطری شیخ تمیم بن حماد الثانی سے ملاقات ہو گی جہاں وہ بین الاقوامی قوانین کے حملے کے تناظر میں قطری امیر اور عوام سے اظہار یکجہتی کریں گے۔
اس سے قبل پاکستان کے وزیر خارجہ محمد اسحاق ڈار نے کہا تھا کہ وہ قطر پر صیہونی جارحیت کے خلاف الجزائر اور صومالیہ کے ساتھ مل کر سلامتی کونسل کے ہنگامی اجلاس کی درخواست پیش کریں گے۔
