SAHAR

امریکی ایوان نمائندگان کی مسلم رکن الہان عمر نے ایک بار پھر صیہونی حکومت پر جنگی جرائم انجام دینے کا الزام لگایا ہے اور کہا ہے کہ اس نے لاکھوں فلسطینی عوام اور قیدیوں کی جان مزید خطرے میں ڈال دی ہے۔

سحرنیوز/دنیا: امریکی ریاست مینہ سوٹا سے ڈیموکریٹ ممبر پارلیمنٹ الہان عمر نے اپنے سوشل میڈیا پیج پر لکھا کہ کسی ایسے پر فائرنگ کرنا جو سفید پرچم اٹھائے ہوئے ہو، جنگی جرم ہے، غلطی نہيں۔ ایلہان عمر نے صیہونی فوجیوں کے ہاتھوں اپنے ہی تین فوجیوں کے قتل ہونے کی جانب اشارہ کیا اور کہا کہ اس سے پتہ چلتا ہے کہ نیتن یاہو اور اس کے ساتھیوں کے ہاتھوں غزہ کے ظالمانہ محاصرے نے اسرائیلی و بیرونی فوجیوں نیز غزہ میں خوف و وحشت میں مبتلا بیس لاکھ سے زیادہ فلسطینیوں کی جان خطرے میں ڈال دی ہے لہذا اسی وقت جنگ بند ہونا چاہیے۔