دو دہائیوں میں اب تک کا سب سے طاقتور شمسی طوفان زمین سے ٹکرا گیا
دو دہائیوں میں اب تک کا سب سے طاقت ور شمسی طوفان زمین سے ٹکرا گیا، امریکا، برطانیہ، جرمنی، سوئٹزرلینڈ میں روشنی کے حیرت انگیز نظارے دیکھے گئے۔
سحرنیوز/ دنیا: نیشنل اوشینک اینڈ ایٹموسفیرک ایڈمنسٹریشن کے اسپیس ویدر پروڈیکشن سینٹر کے مطابق 11 مئی کو مقامی وقت کے مطابق شام 4 بجے کے قریب طاقت ور شمسی طوفان زمین سے ٹکرایا۔
شمسی طوفان کے زمین سے ٹکرانے کے سبب زمین پر آنے والی مغناطیسی لہروں سے قطب شمالی کی روشنیاں جنوب تک پھیل گئیں۔
برطانیہ، آسٹریلیا سمیت مختلف ممالک میں آسمان پر سبز اور جامنی رنگ نمایاں ہو گئے، شہریوں نے بھی دلفریب مناظر کو کیمرے کی آنکھ میں قید کرلیا۔
ماہرین کے مطابق یہ انتہائی نایاب واقعہ ایک بڑے سَن اسپاٹ کلسٹر کی وجہ سے ہو رہا ہے، سن اسپاٹ کلسٹر کا مجموعی پھیلاؤ کئی لاکھ کلومیٹر ہے، یہ شمسی طوفان 2003 کے بعد سے اب تک کا سب سے طاقتورترین طوفان ہے۔
