امریکہ کے دارالحکومت واشنگٹن میں فلسطینیوں کے حق میں مظاہرہ
Apr ۰۶, ۲۰۲۵ ۱۳:۰۴ Asia/Tehran
واشنگٹن ڈی سی میں ہزاروں افراد نے ڈونلڈ ٹرمپ انتظامیہ سے اسرائیل کو ہتھیاروں کی فراہمی بند کرنے اور غزہ پر اسرائیل کے حملے کو روکنے کا مطالبہ کیا۔
سحر نیوز/ عالم اسلام: حماس کے ہزاروں حامیوں نے غزہ پر اسرائیلی جنگ اور نسل کشی کے خاتمے کے لیے "عالمی انتفاضہ" کا مطالبہ کیا اور ٹرمپ کی آزادی اظہار کے خلاف پالیسی کی مخالفت کی۔ امریکی میڈیا رپورٹس کے مطابق مظاہرے کا آغاز وائٹ ہاؤس سے ہوا اور امریکی کانگریس تک جاری رہا، مظاہرین نے فلسطینیوں کی نسل کشی کے خاتمے کا مطالبہ کیا۔ مظاہرین نے فلسطین کی حمایت میں نعرے لگائے اور کہا کہ ’’ہم ایسی دنیا میں رہنا قبول نہیں کریں گے جہاں نسل کشی عام ہو‘‘۔
