امریکہ نے جدید ترین بم کا تجربہ کیا ہے: روسی میڈیا کا انکشاف
روسی میڈیا کے مطابق امریکہ نے جدید ترین ٹیکٹیکل تھرمو نیوکلیئر بم کا تجربہ کیا ہے تاہم اس میں وار ہیڈ نصب نہیں تھا۔
سحرنیوز/دنیا: روسی خبر رساں ایجنسی تاس نے امریکی محکمۂ توانائی سے وابستہ سانڈیا نیشنل لیبارٹریز کے ایک بیان کا حوالہ دیتے ہوئے انکشاف کیا ہے کہ امریکہ نے وار ہیڈ کے بغیر ایٹم بم، بی 61-12، کا یہ کامیاب تجربہ موسم گرما کے وسط میں کیا تھا۔
بیان میں کہا گیا ہے کہ یہ تجربہ 19 سے 21 اگست تک نیواڈا میں ایک ٹیسٹ سائٹ پر کیا گیا۔ تجربے کے دوران، پانچویں نسل کے ایف 35 لڑاکا طیاروں نے وار ہیڈ کے بغیر ہتھیاروں کو کامیابی کے ساتھ لوڈ کیا اور فرضی اہداف کو نشانہ بنایا۔
یہ ٹیسٹ نیشنل نیوکلیئر سیکورٹی ایڈمنسٹریشن، این این ایس اے، کے ساتھ مل کر کیا گیا۔ بیان کے مطابق، نیشنل نیوکلیئر سیکورٹی ایجنسی نے 2024 کے آخر میں ان فضائی بموں کی سروس لائف کو 20 سال تک بڑھانے کا منصوبہ بھی مکمل کرلیا ہے۔
