Nov ۳۰, ۲۰۲۵ ۱۱:۵۷ Asia/Tehran
  • امریکہ میں پھر گولی چلی، 4 افراد کو ہلاک کردیا گیا

امریکی ریاست کیلی فورنیا میں ایک تقریب کے دوران فائرنگ سے 4 افراد ہلاک اور 10 زخمی ہوگئے ہیں۔

سحرنیوز/دنیا: میڈیا رپورٹوں کے مطابق امریکہ میں ایک بار پھر فائرنگ کا خوں ریز واقعہ رونما ہوا ہے جس میں 4 افراد ہلاک اور 10 زخمی ہوگئے ہیں۔ فائرنگ کا یہ واقعہ ریاست کیلی فورنیا میں بینکٹ ہال میں ایک تقریب کے دوران ہوا ہے۔ 

امریکہ میں فائرنگ کا تازہ واقعہ

 

اطلاعات کے مطابق کاؤنٹی شیرف کے دفتر نے اپنے بیان میں کہاہے کہ اسٹاکٹن میں فائرنگ کا واقعہ ایسے وقت پیش آیا جب لوگ ایک تقریب میں شریک تھے۔ زخمی ہونے والوں میں بچے بھی شامل ہیں۔

ہمیں فالو کریں: 

Follow us: FacebookXinstagram, tiktok

مقامی میڈیا کے مطابق تمام زخمیوں کو اسپتال منتقل کردیا گیا ہے، زخمیوں کی حالت کے بارے میں تاحال معلومات فراہم نہیں کی گئی ہیں۔

مقامی میڈیا کا کہنا ہے کہ ابتدائی معلومات سے پتہ چلتا ہے کہ یہ ایک ٹارگیٹڈ واقعہ ہوسکتا ہے، سیکورٹی ادارے تحقیقات کر رہے ہیں۔

 

ٹیگس