یوکرین کے صدر مجوزہ امریکی امن منصوبہ قبول کرنے کے لئے تیار نہیں: امریکی صدر ڈونلڈ ٹرمپ
امریکی صدر ڈونلڈ ٹرمپ نے یوکرین کے صدر زیلنسکی کو سخت ہدف تنقید بناتے ہوئے تاکید کے ساتھ کہا ہے کہ یوکرینی صدر، ماسکو اور کی ایف کے درمیان جنگ ختم کرانے کے لئے امریکہ کا مجوزہ امن منصوبہ قبول کرنے کے لئے تیار نہیں ہیں۔
سحرنیوز/دنیا: اطلاعات کے مطابق امریکی صدر ڈونالڈ ٹرمپ نے امریکہ اور یوکرین کے وفود کے درمیان سہ روزہ مذاکرات کے اختتام پر اپنے ایک بیان میں کہا کہ زیلنسکی مذاکرات کی پیش رفت میں رکاوٹ ہیں۔
امریکی صدر نے تاکید کے ساتھ کہا کہ مجھے تھوڑی مایوسی ہو رہی ہے کہ یوکرینی صدر نے ابھی امن کی تجویز کو پڑھا نہیں ہے۔
ڈونالڈ ٹرمپ نے اس بات کا ذکر کرتے ہوئے کہ ان کے خیال میں روس، امریکہ کے مجوزہ امن منصوبے سے متفق ہے کہا کہ ایسی حالت میں کہ یوکرین کے عوام بھی اس تجویز کے عاشق ہیں لیکن مجھے یقین نہیں کہ زیلنسکی اس سے اتفاق کریں گے۔
دریں اثنا، امریکی صدر ڈوناڈ ٹرمپ کے بیٹے جونیئرٹرمپ نے کہا ہے کہ ممکن ہے ان کے والد یوکرین امن کے عمل سے باہر نکل جائیں۔
جونیئرٹرمپ نے اعلان کیا ہے کہ ممکن ہے ان کے والد یوکرین امن کے عمل سے باہر نکل جائیں کیونکہ یہ مسئلہ امریکیوں کی ترجیح میں نہیں ہے اور یورپ کو مزید ٹھوس پروگرام پیش کرنے چاہئیں۔
ہمیں فالو کریں:
Followus: Facebook, X, instagram, tiktok whatsapp channel
