ٹرمپ کی نُکیل اسرائیل کے ہاتھ میں: معروف امریکی تجزیہ نگار مرشمائر

Jan ۰۶, ۲۰۲۶ ۱۲:۵۱ Asia/Tehran

معروف امریکی تجزیہ نگار مرشمائر نے ایران کے خلاف حالیہ امریکی دھمکیوں کا ذکر کرتے ہوئے کہا ہے کہ ٹرمپ کی نُکیل اسرائیل اور واشنگٹن کی صیہونی لابی کے ہاتھ میں ہے۔

سحرنیوز/دنیا: ارنا کی رپورٹ کے مطابق امریکہ کی یونیورسٹی آف شکاگو میں سیاسیات کے پروفیسر اور معروف تجزیہ نگار جان مرشمائر نے ڈیپ ڈائیو پود کاسٹ میں امریکی فوج کے ایک ریٹائرڈ افسر اور فوجی مبصر ڈینیل ڈیوس کے ساتھ گفتگو میں کہا ہے کہ ٹرمپ کی نکیل اسرائيل اور صیہونی لابی کے ہاتھ میں ہے اور وہ جدھر چاہتے ہیں انہیں ادھر لے جاتے ہیں۔

انھوں نے کہا کہ اس وقت ٹرمپ کی اصل ذمہ داری یہ ہے کہ وہ دھمکی آمیز لہجے میں تشدد کی بات کریں۔

مرشمائر نے کہا کہ ٹرمپ کی 2025 کی کارکردگی پر نظر ڈالیں تو معلوم ہوگا کہ انھوں نے ایک بھی قابل تعریف کام نہیں کیا ہے۔

ہمیں فالو کریں:

انھوں نے کہا کہ ہم سمجھتے ہیں کہ ٹرمپ بنیامن نیتن یاہو کا اضطراب دور کرنے کے لئے مجبور ہیں جیسا کہ ہم نے پہلے کہا ہے ٹرمپ مجبور ہیں کہ نتین یاہو اور ان کے حامیوں کی بات سنیں کیونکہ در اصل وہی ٹرمپ کے مالک ہیں۔