وینزویلا کی اپوزیشن رہنما ماریا کورینا ماچادو کا نوبل امن انعام امریکی صدر ٹرمپ کے حوالے

Jan ۱۶, ۲۰۲۶ ۱۴:۴۷ Asia/Tehran

نوبل انسٹی ٹیوٹ کے قانون کے برخلاف وینزویلا کی اپوزیشن رہنما ماریا کورینا ماچادو نے اپنا نوبل امن انعام امریکی صدر ٹرمپ کو دے دیا ہے۔

سحرنیوز/دنیا: میڈیا رپورٹوں کے مطابق ماریا کورینا ماچادو نے وائٹ ہاؤس میں صدر ڈونلڈ ٹرمپ سے ملاقات کی جس میں انہوں نے اپنا نوبل انعام ٹرمپ کو دیا۔ دونوں رہنماؤں کے درمیان یہ ملاقات امریکی فوج کے ہاتھوں وینزویلا کے صدر نکولس مادورو کے اغوا کے چند ہفتے بعد ہوئی ہے۔

ماریا کورینا ماچادو وینزویلا میں اقتدار حاصل کرنے کے لئے امریکی صدر ٹرمپ کی بھرپور خوشامد کر رہی ہیں لیکن اب تک انہیں اس میں کامیابی حاصل نہیں ہوئی ہے۔

ہمیں فالو کریں:

نوبل انسٹی ٹیوٹ نے گزشتہ ہفتے اپنے بیان میں اس سلسلے میں وضاحت کرتے ہوئے کہا تھا کہ ایک بار جب نوبل انعام کا اعلان ہوجائے تو اس کے بعد نہ تو وہ منسوخ کیا جا سکتا ہے، نہ ہی کسی کے ساتھ شیئر کیا جا سکتا ہے اور نہ ہی اسے کسی دوسرے کو منتقل کیا جا سکتا ہے۔ یہ وضاحت سامنے آنے کے باوجود بھی وائٹ ہاؤس کے حکام نے انکشاف کیا ہے کہ ڈونلڈ ٹرمپ نے نوبل امن انعام اپنے پاس رکھ لیا ہے۔