ہندوستان: دہلی میں شدید سردی اور گھنے کہرے کی وجہ سے فضائی اور ریل نظام بری طرح متاثر

Jan ۰۶, ۲۰۲۶ ۱۶:۱۵ Asia/Tehran

ہندوستان کے دارالحکومت دہلی میں شدید سردی اور گھنے کہرے کی وجہ سے فضائی اور ریل کا نظام بری طرح متاثر ہوا ہے۔

سحرنیوز/ہندوستان: دہلی سے موصولہ رپورٹوں کے مطابق شدید سردی، گھنے کہرے اور حد نگاہ کم ترین سطح پر پہنچ جانے کے نتیجے میں دہلی سے مختلف شہروں کو جانے والی دو سو اسّی پروازیں تاخیر کا شکار ہوگئيں۔

اس رپورٹ کے مطابق موسم کی خرابی کے نتیجے میں ریلوے کا نظام بھی بری طرح متاثر ہوا ہے اور حد نگاہ کم ہونے کی وجہ سے تقریباً سبھی ٹرینیں تاخیر کا شکار ہیں۔

ہمیں فالو کریں:

دہلی ہوائی اڈے کی ویب سائٹ کے حوالے سے بتایا گیا ہے کہ حد نگاہ گرجانے کے باعث فلائٹ آپریشن متاثر ہوا ہے اور دہلی سے اڑان بھرنے والی درجنوں پروازیں اور دہلی پہنچنے والی دوسو ساٹھ سے زائد پروازیں تاخیر کا شکار ہیں۔