SAHAR

اسلامی جمہوریہ ایران کے وزیر خارجہ نے کہا ہے کہ ایٹمی معاہدے جے سی پی او اے سے متعلق پیغامات کا تبادلہ اور بات چیت صحیح راستے پر جاری ہے اور ہم آئی اے ای اے اور ایران کےایٹمی توانائی کے ادارے کے درمیان ایک مضبوط اور پائیدار تعاون کے خواہاں ہیں

اسلامی جمہوریہ ایران کے وزیر خارجہ امیر عبداللھیان نے آرمینیا کے دارالحکومت ایروان میں آرمینیا کے وزیر خارجہ کے ساتھ ایک مشترکہ پریس کانفرنس میں ایران پر لگی ظالمانہ پابندیوں کے خاتمے کے لیے مذاکرات کے تازہ ترین صورتحال کا ذکرکرتے ہوئے کہا کہ پیغامات کے تبادلے اور پابندیاں ہٹانے کے مقصد سے معاہدے کے آخری مرحلے تک پہنچنے کے لیے بات چیت اور تمام فریقوں کی ایٹمی معاہدے میں واپسی کے لئے مذاکرات صحیح راستے پر ہیں۔

ایرانی وزیر خارجہ حسین امیرعبداللہیان نے اس مشترکہ پریس کانفرنس میں کہا کہ معاہدے کے حتمی مرحلے تک پہنچنے کے لیے امریکی فریق کے ساتھ پیغامات کا تبادلہ جاری ہے۔ اگرچہ ایران کے حالیہ بلووں میں امریکہ اور بعض یورپی ممالک نے مداخلت اور غیرذمہ دارانہ اقدامات انجام دئے

"وزیرخارجہ امیر عبداللہیان" نے اس بات کا ذکرکرتے ہوئے کہ آج ایران میں حالات پوری طرح معمول پر ہیں اور روزمرہ کی زندگی ہمیشہ کی طرح جاری ہے 

حسین امیر عبداللہیان نے کہا کہ ہم نے امریکی اور یورپی فریق کو خبردار کیا ہے کہ وہ غلط تجزیے کے ساتھ اسلامی جمہوریہ ایران میں بلوائیوں اور دہشت گردوں کو نہ اکسائیں - انہوں نے اس بات پر زور دیا کہ ایرانی حکومت نے بلوائیوں، مسلح شرپسندوں اور دہشت گردوں کے مسئلے کو، پرامن مطالبات رکھنے والے لوگوں سے مکمل طور پر الگ رکھا ہے۔

انہوں نےکہا کہ پرامن مطالبات کرنے والوں میں سے کسی کو گرفتار نہیں کیا گیا ہے۔

واضح رہے کہ پچھلے دنوں اسلامی ایران کے عوام نے اسلامی جمہوری نظام کے حق میں مختلف شہروں میں تاریخی ریلیاں نکال کر بلوائیوں کے سے اپنی بیزاری کا اظہار کیا ہے۔

واضح رہے کہ اسلامی جمہوریہ ایران نے ایک ذمہ دار ملک کے طور پر کئی بار کہا ہے کہ اس بات پر غور کرتے ہوئے کہ جے سی پی او اے کی خلاف ورزی کرنے والا فریق امریکہ ہے، اس لئے یہ واشنگٹن کی ذمہ داری ہے کہ اسے پابندیاں اٹھا کر معاہدے کی طرف واپس آنا چاہیے اور اس کے نفاذ کی تصدیق کرنی چاہئے۔
دوسری طرف اقوام متحدہ میں ایران کے مستقل مندوب نے اقوام متحدہ کے سیکریٹری جنرل سے کہا ہے کہ وہ کسی کو بھی قرارداد بائیس اکتیس سے غلط فائدہ اٹھانے کی اجازت نہ دیں 
اسلامی جمہوریہ ایران کے مستقل مندوب "امیر سعید ایروانی" نے سکریٹری جنرل "انتونیو گوتریش" کے نام ایک خط میں، یوکرین میں گرکر تباہ ہونے والے ایک ڈرون طیارے کے پرزوں کی تحقیقات کرنے کے لئے اقوام متحدہ کے ماہرین کی ایک ٹیم یوکرین روانہ کرنے کی یوکرین کی درخواست اور اسے ایران کے جوہری معاہدے سے متعلق سلامتی کونسل کی قرارداد بائیس اکتیس پر عمل درآمد سے جوڑنے کو ہر طرح کی قانونی بنیاد سے عاری قرار دیا

مغربی ممالک بالخصوص امریکہ، یوکرین کی جنگ کے آغاز سے لے کر اب تک اربوں ڈالر کا فوجی سازوسامان یوکرین بھیج چکے ہیں اور ایران پر ایک عرصے سے جھوٹے دعوے کر کے یہ الزام لگا رہے ہیں کہ ایران، یوکرین کی جنگ میں استعمال کے لیے، روس کو ڈرون بھیج رہا ہے۔ جبکہ اسلامی جمہوریہ ایران نے ان ملکوں کے اس دعوے کو بارہا مسترد کیا ہے۔