ایران اور سعودی عرب کے وزراء خارجہ کی اہم ملاقات، اسلامی دنیا کو درپیش چیلنجوں سے نمٹنے کی ضرورت پر زور
ایران اور سعودی عرب کے وزرائے خارجہ نے جدہ میں ہونے والی اپنی دو طرفہ ملاقات میں باہمی تعلقات اور مغربی ایشیا کی تازہ ترین صورتحال پر تبادلہ خیال کیا۔
سحرنیوز/ایران: ایران کے وزیر خارجہ سید عباس عراقچی اور سعودی عرب کے وزیر خارجہ فیصل بن فرحان نے جدہ میں اسلامی تعاون تنظیم کے وزرائے خارجہ کے ہنگامی اجلاس کے موقع پر ملاقات کی اور مختلف امور پر تبادلہ خیال کیا۔ اس ملاقات کے دوران دونوں ملکوں کے وزرائے خارجہ نے ایران اور سعودی عرب کے دوطرفہ تعلقات کا جائزہ لیا اور تہران اور ریاض کے درمیان تمام شعبوں میں ہم آہنگی اور تعاون کے فروغ کے عزم کا اعادہ کیا۔
سید عراقچی اور فیصل بن فرحان نے خطے اور عالمی سطح پر درپیش حالات پر بھی تبادلہ خیال کیا اور اسلامی دنیا کو درپیش چیلنجوں سے نمٹنے کی ضرورت پر زور دیا۔دونوں وزرائے خارجہ نے غزہ کے عوام کی جبری نقل مکانی کی سازش کو ناکام بنانے کے لئے مل کر کوشش کرنے سے اتفاق کیا۔
