SAHAR

وزیر خارجہ سید عباس عراقچی نے امریکہ کے ساتھ بالواسطہ مذاکرات سے قبل اپنے عمانی ہم منصب سے ملاقات اور گفتگو کی۔

سحرنیوز/ایران:  عمان پہنچنے کے فورا بعد سید عباس عراقچی نے عمان کے وزیر خارجہ بدرالبوسعیدی سے ملاقات اور گفتگو کی۔ انہوں نے عمان کی میزبانی کی قدردانی کرتے ہوئے ایران کے مذاکراتی اصولوں اور بنیادوں سے اپنے عمانی ہم منصب کو آگاہ کیا۔

اس موقع پر البوسعیدی نے کہا کہ مسقط بھی مذاکرات کا راستہ ہموار کرنے کے لیے تیار ہے۔ انہوں نے ایران اور امریکہ کے بالواسطہ مذاکرات کے لیے مسقط کے اقدامات کی وزیر خارجہ عراقچی کو تفصیلات پیش کیں۔