آئی آر جی سی نے کی دو میزائیلوں کی رونمائی، "قدر" اور "عماد" میزائلوں کے جدید ورژن پیش
سپاہ پاسداران انقلاب نے "قدر" اور "عماد" میزائلوں کے جدید ورژن پیش کیے، جن میں الیکٹرانک دفاعی نظام اور آپریشنل صلاحیتوں کو مزید بہتر بنایا گیا ہے۔
سپاہ پاسداران انقلاب کی فضائیہ نے اپنے جدید "عماد" اور "قدر" میزائلوں کی رونمائی کردی۔ تفصیلات کے مطابق، زیر زمین میزائل شہروں کے مناظر پیش کرتے ہوئے جدید ترین میزائلوں کی رونمائی بھی کی گئی جس میں ان میزائلوں کی صلاحیتوں اور اپ گریڈز کو نمایاں کیا گیا۔
رپورٹ کے مطابق، "قدر" بیلسٹک میزائل کو جدید الیکٹرانک دفاعی نظام سے لیس کیا گیا ہے، جو دشمن کے ریڈار اور مواصلاتی نظام کو متاثر کرنے کی صلاحیت رکھتا ہے۔ دوسری جانب "عماد" میزائل کو بھی جدید خطوط پر اپ گریڈ کرکے مکمل طور پر فعال بنا دیا گیا ہے۔
یہ ایران کی دفاعی صلاحیتوں میں اضافے اور خطے میں اس کی اسٹریٹجک پوزیشن کو مزید مستحکم کرنے کی جانب ایک اہم قدم قرار دیا جا رہا ہے۔
