رہبر انقلاب اسلامی کا بیان، عالمی میڈیا میں زبردست کوریج
رہبر انقلاب اسلامی آيت اللہ العظمیٰ سید علی خامنہ ای سے مختلف شعبوں میں نمایاں کارکردگی کا مظاہرہ کرنے والے سینکڑوں ایرانی کھلاڑیوں اور عالمی سائنس اولمپیاڈ میں تمغے حاصل کرنے والے طلبا و طالبات نے پیر کی صبح سے ملاقات کی۔ اس اہم ملاقات میں رہبر انقلاب اسلامی کے خطاب کو عالمی ذرائع ابلاغ نے نمایاں طور پر کوریج دی ہے۔
سحر نیوز/ ایران: 20 اکتوبر 2025 پیر کی صبح تہران میں رہبر انقلاب اسلامی آیت اللہ العظمی سید علی خامنہ ای نے ان ایرانی کھلاڑیوں اور طلبا سے ملاقات کی جنہوں نے بین الاقوامی سائنسی اولمپیاڈز میں تمغے حاصل کیے اور مختلف کھیلوں میں نمایاں کامیابیاں حاصل کیں۔ اس موقع پر رہبر انقلاب نے ان نوجوانوں کو “ملک کے اصل سرمایہ” قرار دیا اور کہا کہ ایران کا روشن مستقبل انہی محنتی اور باصلاحیت نوجوانوں کے ہاتھ میں ہے۔
عالمی میڈیا میں بازتاب (Coverage)
- الجزیرہ اور المیادین (عربی میڈیا)
ان چینلز نے اس ملاقات کو ایران کے سائنسی اور کھیلوں کے میدان میں خودکفالت کے پیغام کے طور پر پیش کیا، اور کہا کہ امام خامنہ ای نے نوجوانوں کو مغربی دباؤ سے نہ گھبرانے کی تلقین کی۔فرانس 24 اور بی بی سی فارسی
ان اداروں نے تقریر کے اُس حصے پر توجہ دی جس میں رہبر انقلاب نے کہا کہ “سائنس، کھیل، اور ایمان تین ایسے ستون ہیں جن پر ایران کی ترقی قائم ہوگی۔"
- ریوٹرز (Reuters)
ریوٹرز نے رپورٹ کیا کہ رہبر ایران نے “نوجوان نسل کی کامیابیوں کو ایران کی علمی خودمختاری کی علامت” قرار دیا، اور ان پر زور دیا کہ وہ “مغربی ثقافتی اثرات سے دور رہیں اور اپنی قومی شناخت کو برقرار رکھیں۔” ساتھ ہی اس نیوز ایجنسی نے رہبر انقلاب کے اس بیان کی طرف بھی اشارہ کیا ہے جس میں آیت اللہ خامنہ ای نے امریکی صدر کی حالیہ دھونس دھمکی اور ہرزہ سرائی کی طرف اشارہ کرتے ہوئے فرمایا تھا کہ "اس شخص (ٹرمپ) نے خطے، ایران اور ایرانی قوم کے بارے میں بے شمار جھوٹ بول کر اور اپنے مکروہ رویے سے صیہونیوں کو خوش کرنے اور خود کو قابل ظاہر کرنے کی کوشش کی لیکن اگر اس شخص میں واقعی قابلیت و صلاحیت ہے تو وہ جائے اور امریکہ کی مختلف ریاستوں میں اپنے خلاف نعرے لگانے والے دسیوں لاکھ افراد کو خاموش کردے۔"
- اسرائیلی اور علاقائی میڈیا
Times of Israel / i24news اور دیگر عبرانی/انگریزی ذرائع نے رہبر کے طنزیہ بیان کی طرف اشارہ کیا ہے — مثلاً “keep dreaming” یا “بہت اچھا، اسی خیال میں رہو” — کو ہیڈ لائن بنایا اور اس پر تبصرہ کیا کہ یہ جواب سیاسی طور پر سخت پیغام ہے۔ ان ذرائع نے ٹرمپ کے بیانات اور ان کے سیاسی معنی پر تیز کوریج دی۔
