عالمی برادری صیہونیوں کے وحشیانہ جرائم کا فوری نوٹس لے: ایرانی وزارت خارجہ
ایران نے مغربی کنارے میں اسرائیلی فوج اور آبادکاروں کے حملوں کو انسانیت کے خلاف جرم قرار دیتے ہوئے عالمی برادری سے فوری اقدام کا مطالبہ کیا ہے۔
سحرنیوز/ایران: ایرانی وزارت خارجہ کے ترجمان نے مغربی کنارے میں اسرائیلی فوج اور آبادکاروں کے مسلسل حملوں کی شدید مذمت کی ہے۔ انہوں نے نابلس اور جنین کے فلسطینی کیمپوں پر حملوں، فلسطینیوں کے قتل، مغربی کنارے کے باشندوں کی بلاجواز گرفتاریوں اور کسانوں کے گھروں و کھیتوں کی تباہی کی نشاندہی کرتے ہوئے عالمی برادری سے مطالبہ کیا کہ ان وحشیانہ جرائم کا فوری نوٹس لیا جائے۔
ترجمان نے انسانی حقوق کی تنظیموں کی رپورٹس کا حوالہ دیتے ہوئے کہا کہ اسرائیلی جیلوں میں سینکڑوں فلسطینی بچوں کو طویل مدت تک قید رکھا گیا ہے اور تشدد کے نتیجے میں درجنوں فلسطینی قیدی جان سے ہاتھ دھو بیٹھے ہیں۔ انہوں نے زور دیا کہ اقوام متحدہ اور انسانی حقوق کونسل کو فلسطینی عوام کے حقوق کی سنگین خلاف ورزیوں پر فوری اقدام کرنا چاہیے۔
ہمیں فالو کریں:
Follow us: Facebook, X, instagram, tiktok
بقائی نے کہا کہ ان تمام جرائم کو انسانیت کے خلاف جرائم کے طور پر درج کیا جانا چاہیے اور صہیونی مجرموں کو سزا دی جانی چاہیے۔
