SAHAR

شمالی شام میں واقع شادابی کے علاقے میں سب سے بڑے امریکی غیرقانونی فوجی اڈے پر کئی راکٹ فائر کئے گئے ہیں۔

ذرائع ابلاغ کے مطابق الحسکہ سے 55 کلومیٹر دور شام کے شمالی علاقے کے شہر شادابی میں سب سے بڑی امریکی فوجی چھاؤنی ہے، اس فوجی اڈے پر کئی راکٹوں سے حملہ ہونے کی خبر ہے۔

شامی نیوز ایجنسی سانا نے مقامی ذرائع کے حوالے سے بتایا کہ غیرقانونی امریکی اڈے پر کئی راکٹ فائر کئے گئے ہیں جن میں سے ایک اس اڈہ کے اندر جا کر گرا۔مقامی لوگوں کے مطابق  راکٹ گرنے سے بہت بڑے دھماکوں کی آوازیں سنی گئیں اور فوجی اڈہ سے دھوئیں کے بادل اٹھتے دکھائی دے رہے تھے۔

ابھی تک کسی گروپ نے اس حملہ کی ذمہ داری قبول نہیں کی۔

اس سے پہلے بدھ کے بدن میڈیا نے دیرالزور میں قائم العمر آئل فیلڈ میں دھماکے کی خبر دی تھی ۔یہ آئل فیلڈ امریکی افواج کے قبضے میں ہے۔