غزہ میں فلسطینی مجاہدین کے حملے میں مزید 10 صیہونی فوجی ہلاک
فلسطین کی تحریک حماس کے فوجی بازو القسام بریگیڈ نے غزہ میں دس صیہونی فوجیوں کی ہلاکت کی خبر دی ہے۔
سحرنیوز/عالم اسلام: القسام بریگیڈ نے ایک بیان میں کہا ہے کہ خان یونس شہر کے شمالی علاقے میں صیہونی فوج کا ایک بلڈوزر، ایک ٹینک اور ایک بکتر بند گاڑی بھی تباہ ہوئی ہے۔ رپورٹ کے مطابق القسام بریگیڈ کے جوانوں نے شہر خان یونس کے مشرق میں دس صیہونی فوجی اہلکاروں کو بھی ہلاک کر دیا۔ مقبوضہ علاقوں سے ایک اور خبر یہ ہے کہ صیہونی فوج نے اعلان کیا ہے کہ غزہ کے خلاف زمینی کارروائی شروع ہونے کے بعد سے اب تک اس علاقے پر ایک لاکھ سے زائد بم اور گولے برسائے جاچکے ہیں۔ غاصب صیہونی حکومت نے غزہ میں جنگ بندی کی مدت ختم ہونے کے بعد مختلف علاقوں منجملہ خان یونس پر حملے دوبارہ شروع کر دیئے جن میں اب تک دسیوں نہتے عام فلسطینی شہری شہید و زخمی ہو چکے ہیں جبکہ عام شہریوں کے قتل عام کا یہ عمل بڑھتا ہی جا رہی ہے اور مجموعی طور پر اب تک پندرہ ہزار پانچ سو سے زائد فلسطینی شہید اور چالیس ہزار سے زائد دیگر زخمی ہوچکے ہیں۔
