SAHAR

یمنی مسلح افواج کے ترجمان نے یہ خبر دی ہے کہ انہوں نے امریکہ، برطانیہ اور صیہونی حکومت سے وابستہ چار بحری جہازوں پر میزائلوں سے حملہ کیا ہے۔

سحر نیوز/ عالم اسلام: نیوزایجنیسی تاس کی رپورٹ کے مطابق، یحیی سریع نے کہا ہے کہ ان حملوں میں کنٹینر جہاز MSC یونیفک، آئل ٹینکرز ڈیلونکس اور لکی سلور، اور اینول پوائنٹ کو نشانہ بنایا گیا جو برطانوی بحریہ کا حصہ ہے۔

انہوں نے مزید کہا کہ یمنی مسلح افواج نے ان جہازوں پر حملہ کرنے کے لیے کروز میزائلوں کا استعمال کیا۔

یمنی مسلح افواج کے ترجمان کا کہنا تھا کہ ایم ایس سی یونیفائیڈ نامی کنٹینر جہاز بحیرہ عرب میں، ڈیلونکس آئل ٹینکر بحیرہ احمر میں ، لکی سلور آئل ٹینکر بحیرہ روم میں اور اینول پوائنٹ جہاز بحر ہند میں نشانہ بنایا گيا۔

انہوں نے یہ بھی کہا کہ گزشتہ ایک ہفتے میں ڈیلونکس جہاز پر یہ دوسرا حملہ تھا۔