صیہونیوں کی درندگی کی ایک اور مثال، پناہ گزینوں کے خیموں پر بمباری، رقت آمیز مناظر + ویڈیوز
فلسطینی ذرائع ابلاغ نے منگل کی صبح خان یونس شہر میں پناہ گزینوں کے خیموں پر حملے کے صیہونی حکومت کے نئے جرم کی خبر دیتے ہوئے بتایا ہے کہ اس بھیانک حملے میں اب تک 60 شہید اور 40 زخمی ہوئے ہیں۔
سحرنیوز/عالم اسلام: فلسطینی ذرائع ابلاغ کی رپورٹ کے مطابق اس حملے میں المواصی کے علاقے میں پناہ گزینوں کے کم از کم 20 خیموں کو صہیونیوں نے نشانہ بنایا۔ غزہ کی امدادی ایجنسی نے بتایا ہے 65 اس حملے میں شہید اور زخمی ہوئے ہیں۔ غزہ ریلیف اینڈ ریسکیو کے ترجمان محمود بصل نے زور دے کر کہا ہے کہ المواصی قتل عام میں کئی خاندان مکمل طور پر ریت کے نیچے دفن ہو گئے۔
خان یونس کے المواصی علاقے سے 14 شہداء کی لاشیں اسپتالوں میں منتقل کر دی گئی ہيں اور مزید لاشیں نکالنے کا کام تاحال جاری ہے اور حملوں کی شدت کے پیش نظر شہداء اور زخمیوں کی تعداد میں اضافے کا خدشہ ہے۔
فلسطینی میڈیا رپورٹس کے مطابق ان حملوں سے خان یونس کے علاقے المواصی میں 9 میٹر کے گڑھے بن گئے ہیں۔ فلسطینی ذرائع ابلاغ نے المواصی میں پناہ گزینوں کے خیموں پر صیہونی حکومت کے میزائل حملوں کے نتیجے میں بنے گڑھوں کی تصویریں شائع کی ہیں۔
