اسرائیلی فوج کا اعتراف: صرف 24 گھنٹوں میں حزب اللہ کے ساتھ جھڑپوں میں 40 صیہونی فوجی زخمی ہوئے
Oct ۱۰, ۲۰۲۴ ۱۲:۳۲ Asia/Tehran
مقبوضہ فلسطین کی شمالی سرحدوں پر حزب اللہ اور صہیونی فورسز کے درمیان شدید جھڑپیں جاری ہیں۔
سحر نیوز/ عالم اسلام: گذشتہ چوبیس گھنٹوں کے دوران حزب اللہ کے جوانوں نے صہیونی فورسز پر گھات لگا کر حملے کیے جس کے نتیجے میں صہیونی فورسز سرحدی علاقوں سے فرار کر گئے۔
صہیونی فوج نے ایک بیان میں حزب اللہ کے ساتھ سرحدی جھڑپوں میں 40 فوجی زخمی ہونے کا اعتراف کیا ہے۔
ایک بیان میں اسرائیلی فوج نے کہا ہے کہ زخمیوں کو طبی امداد کے لئے ہسپتالوں میں منتقل کیا گیا ہے جہاں کئی فوجیوں کی حالت نازک بتائی جاتی ہے۔
صہیونی فوج اپنے نقصانات کے بارے میں تفصیلات بتانے سے گریز کرتی ہے تاہم حالیہ جھڑپوں میں بھاری نقصانات کی وجہ سے حقائق چھپانے سے قاصر ہے۔
