غزہ میں جنگ دوبارہ شروع ہونے کی صورت میں تل ابیب آگ کی لپیٹ میں آ جائے گا: عبدالمالک بدرالدین الحوثی
یمن کی تحریک انصار اللہ کے سربراہ عبدالمالک بدرالدین الحوثی نے تل ابیب کو متنبہ کیا ہے کہ اگر غزہ پٹی میں جنگ دوبارہ شروع ہوئی تو مقبوضہ فلسطینی علاقے آگ کی لپیٹ میں آ جائیں گے۔
سحر نیوز/ عالم اسلام: رمضان المبارک کے مقدس مہینے کی آمد کے موقع پر سید عبدالمالک بدرالدین الحوثی نے خطاب کرتے ہوئے کہا کہ ہم فلسطینی عوام اور مجاہد بھائیوں کی حمایت کے لیے اپنے دینی، انسانی اور اخلاقی عزم پر قائم ہیں اور حماس کی حمایت جاری رکھیں گے۔ انہوں نے کہا کہ ہم غزہ میں جنگ بندی سے بچنے اور قیدیوں کی رہائی سے متعلق حماس کے ساتھ معاہدے کے دوسرے مرحلے میں رخنہ ڈالنے پر مبنی صیہونی حکومت کی کوششوں پر پوری نظر رکھے ہوئے ہیں۔ یمن کی تحریک انصاراللہ کے سربراہ نے اس بات پر زور دیا کہ غزہ میں جنگ صہیونی دشمن کے پورے وجود کو بھسم کر دے گی اور مقبوضہ "یافا" جسے "تل ابیب" بھی کہا جاتا ہے، آگ کی لپیٹ میں آجائے گا۔
